အိုင်ဝေဝေ စကားဝိုင်း
30th June
အိုင်ဝေဝေစကားဝိုင်း
အီဗန် ✍️
တစ်နည်းအားဖြင့် ခင်ဗျားကိုယ်တိုင်လည်း အိုးအိမ်ကနေ နှင်ထုတ်ခံရတဲ့သူတစ်ယောက်ပေါ့။ ၂၀၁၅ မှာ တရုတ်အစိုးရက ခင်ဗျားကို နိုင်ငံကူးလက်မှတ် ပြန်ပေးပြီး “သွားလို့ရပြီ” လို့ ပြောလိုက်တော့ ခင်ဗျားလည်း ထွက်လာခဲ့တယ်။ အခု ပြန်သွားလို့ရသေးလား။
ဝေ့ဝေ့ 🍅၊
ဟုတ်တယ်ဗျ၊ ကျနော်ပြန်သွားလို့ ရသေးမယ်ထင်တယ်။ ဘာလို့ဆို ငါ့မှာ တရုတ်နိုင်ငံကူးလက်မှတ်တစ်ခုပဲ ရှိတာကိုး။ ဒါပေမယ့် ကျနော့်ရှေ့နေနှစ်ယောက်ကတော့ အခုထိ ထောင်ထဲမှာ။ တစ်ယောက်က ငါးနှစ်ကျပြီး၊ တစ်ယောက်က ဆယ်နှစ်ကျော်ကျခံနေရတယ်။
အီဗန် ✍️
ဘာကြောင့် ထောင်ထဲရောက်နေရတာလဲ။
ဝေ့ဝေ့ 🍅.၊
သူတို့က တွစ်တာတချို့ တင်မိလို့ဖြစ်မယ်။ တစ်ယောက်ဆို တွစ်တာ ၂၅ ခုကြောင့် တရားစွဲခံရတာ။ အဲဒီတွစ်တာတွေက အတော်လေး ငြိမ်းချမ်းတယ်လို့ ကျနော်ပြောရမယ်။ သူတို့က ကျနော်လို အော်ဟစ်ပြီး မပြောဘူး။ ကျနော်ကတော့ အစိုးရကို တော်တော်ပြတ်ပြတ်သားသား ဝေဖန်ခဲ့တယ်။ ဒီရှေ့နေတွေကတော့ ပိုပြီး ဆင်ခြင်တွေးတောတတ်တယ်၊ နူးညံ့တယ်။ တရုတ်အစိုးရက လူတွေကို “ငါတို့ ဘာမဆို လုပ်လို့ရတယ်” ဆိုပြီး သင်ခန်းစာပေးဖို့ ကြိုးစားနေတာပဲ। မင်း အသံထွက်ပြောရင် ဒါမှမဟုတ် သူတို့အာဏာကို မေးခွန်းထုတ်ရင်၊ ထောင်ထဲ ရောက်သွားမှာပဲ။
အီဗန်✍️
ခင်ဗျား ထွက်လာတဲ့အချိန်မှာ သူတို့က “တရုတ်ကို ဝေဖန်တာတွေ ရပ်ရမယ်” လို့ ပြောခဲ့လား၊ ဒါမှမဟုတ် ခင်ဗျားထွက်သွားဖို့ ဘာတွေ သတ်မှတ်ချက်ထားခဲ့လဲ။
ဝေ့ဝေ့ 🍅၊
သူတို့က ကျနော့်တင်မဟုတ်ဘူး၊ လူတိုင်းကိုပဲ သတ်မှတ်ချက်တွေ ထားတယ်။ အခုဆိုရင်တောင် တရုတ်မှာ အင်တာနက်ပေါ်မှာ သုံးလို့မရတဲ့ စကားလုံးတွေ အများကြီးရှိတယ်။ အဘိဓာန်တစ်အုပ်စာလောက် ဖြစ်သွားလိမ့်မယ်။
အီဗန် ✍️ ၊
အဲဒီစကားလုံးတွေရဲ့ အရေအတွက်က တိုးလာနေတာလား။
ဝေ့ဝေ့ 🍅၊
အေးဗျ၊ အခု ပိုပြီး အရှိန်နဲ့ တိုးလာနေတယ်။ အထူးသဖြင့် အခု ဆယ်ကိုးကြိမ်မြောက် ပါတီကွန်ဂရက်ပြီးနောက်ပိုင်းမှာ ပိုဆိုးလာတယ်။
အီဗန် ✍️ ၊
တရုတ်မှာ နိုင်ငံရေးပွဲကြီးတွေ ရှိလာရင် သူတို့ အတော်လေး စိတ်လှုပ်ရှားတတ်ပုံရတယ်။ အခု “အိုင်ဝေဝေ” ဆိုတဲ့ နာမည်ကို တရုတ်မှာ ရှာလို့ရသေးလား။ တရုတ်လူမှုကွန်ရက်တွေမှာ တင်လို့ရလား။
ဝေ့ဝေ့ 🍅၊
တရုတ်မီဒီယာပေါ်မှာ ရှာလို့မရတော့ဘူး။ နိုင်ငံခြားမီဒီယာတွေဆိုရင်တောင် တရုတ်ထဲမှာ ဝင်ကြည့်လို့ မရဘူး။ အချို့ဆို “အိုင်ဝေဝေ ဆိုတာ မရှိဘူး” လို့တောင် ပြောကြတယ်။
အီဗန် ✍️၊
အခု ခင်ဗျားနှင်ထုတ်ခံရပြီး နိုင်ငံရပ်ခြားမှာ နေနေရတာ စိန်ခေါ်မှုတွေ ရှိမှာပေါ့၊ မခင်ဗျားနိုင်ငံနဲ့ ဆက်သွယ်ထားဖို့ပေါ့။ တရုတ်နဲ့ ဝေးကွာနေသလို ခံစားရလား၊ ဒါမှမဟုတ် တခြားအရာတွေကို စိတ်ဝင်စားလာလား။ တရုတ်ပြင်ပ နေနေရတာက တရုတ်အကြောင်း နည်းလမ်းသစ်တွေနဲ့ ပြောဖို့ ဖြစ်နိုင်ခြေတွေ ပေးသလား။
ဝေ့ဝေ့ 🍅၊
ထွက်လာပြီးကတည်းက တရုတ်အကြောင်း ပြောဖို့ စိတ်ဝင်စားမှု နည်းသွားတယ်ဗျ။ အဲဒီမှာ ရှိတုန်းကတော့ အဲဒီအဖြစ်မှန်တွေကို နေ့စဉ်ရင်ဆိုင်နေရတော့ အသံထွက်ပြောရတာပေါ့။ အခု အဲဒီမှာ မရှိတော့တော့၊ နိယာမအရ ဝေဖန်တာတော့ ဆက်လုပ်နေတုန်းပဲ၊ အဲဒါကို ဘယ်တော့မှ မပြောင်းဘူး။ ဒါပေမယ့် အခုက ပိုနည်းသွားတယ်၊ ဘာလို့ဆို ပြောစရာအကြောင်းအရာတွေ အများကြီး ရှိလာလို့။ လူ့အခွင့်အရေးပြဿနာတွေက ကမ္ဘာတစ်ဝှမ်းမှာ တူတူပဲလို့ ကျနော်ထင်တယ်။ တရုတ်တစ်ခုတည်းရဲ့ ပြဿနာ မဟုတ်ဘူး။
အီဗန် ✍️၊
ခင်ဗျားရဲ့ အတွေ့အကြုံကို နည်းနည်းနားလည်ဖို့ ပုံရိပ်အနည်းငယ်ကို ဒီနေ့ ဆွေးနွေးကြည့်ရအောင်။ သူက ဘယ်သူလဲ။
ဝေ့ဝေ့ 🍅၊
ဒါက ကျွန်တော့်အဖေပဲ။ ကျွန်တော်ကို တီအန်မင်ရင်ပြင်ရှေ့မှာ ဆန္ဒပြတုန်းက။ ကျွန်တော့်ဖေဖေက ကဗျာဆရာတစ်ယောက်ဖြစ်ပြီး၊ နှစ်ပေါင်း ၂၀ လောက် နှင်ထုတ်ခံခဲ့ရတယ်။ အဲဒီနှစ်က သူ ပေကျင်းကို ပြန်လာပြီး၊ ကျွန်နော့်ကို တရုတ်ပြည်အနောက်မြောက်ပိုင်းဒေသဆီကို ပြည်နှင်ဒဏ်ပေးတဲ့နေရာကို ပို့ခဲ့တယ်။
အီဗန် ✍️၊
ဇင်ကျန်ပြည်နယ်မှာပေါ့။
ဝေ့ဝေ့ 🍅၊
အေးဗျ၊ ဟုတ်တယ်။
အီဗန် ✍️ ၊
သူက အဲဒီတုန်းက တရုတ်ရဲ့ နာမည်ကြီး ကဗျာဆရာတစ်ယောက်လေ။ [ကွန်မြူနစ်] ပါတီရဲ့ သွေးသောက်အဖွဲ့ဝင်တစ်ယောက်ဖြစ်ပေမယ့်၊ သစ္စာဖောက်အဖြစ်စွပ်စွဲခံရပြီး ဆိုးဆိုးရွားရွား ဆက်ဆံခံခဲ့ရတယ်။ ယဉ်ကျေးမှုတော်လှန်ရေးကာလမှာ ပိုဝေးတဲ့ နေရာကို ပို့ခံခဲ့ရတယ်။ ခင်ဗျားကတော့ အဲဒီနေရာမှာ တစ်စိတ်တစ်ပိုင်း ကြီးပြင်းလာခဲ့တာပေါ့။ ခင်ဗျားညီကို လွန်ခဲ့တဲ့ နှစ်အနည်းငယ်က အင်တာဗျူးခဲ့ဖူးတယ်။ သူကပြောတယ်၊ ခင်ဗျားက ထက်မြက်ပြီး အာရုံခံစားမှုပြင်းတဲ့ ကလေးတစ်ယောက်ဖြစ်လို့ ဒီအတွေ့အကြုံက ခင်ဗျားကို တော်တော်ထိခိုက်ခဲ့တယ်တဲ့။ ခင်ဗျားက တခြားသူတွေထက် ပိုမြင်တယ်၊ ပိုကြားတယ်တဲ့။
အိုင်ဝေဝေ့ 🍅၊
သူက ကျွန်တော်ကို ဒီအကြောင်းတွေနဲ့ပတ်သက်ပြီး အရမ်းအာရုံခံစားလွန်းတယ်လို့ ထင်တယ်။ သူက စာရေးဆရာတစ်ယောက်ပေါ့၊ ဒါပေမယ့် အခုတော့ စာရေးတာ ရပ်ထားပြီး တစ်နေ့ကို ဝီစကီ နှစ်ပုလင်းသောက်နေတယ်။ ကျွန်တော်ကတော့ သူကသာ အာရုံခံစားလွန်းတယ်လို့ ထင်တယ်။
အီဗန် ✍️
ဟဟ၊ ခင်ဗျာစကားသူ့ကို ပြောပြလိုက်မယ်။ ခင်ဗျား၁၉၈၃ ခုနှစ်မှာ နယူးယော့ခ်ကို ရောက်လာတယ်၊ လမ်းဘေးမှာ ပုံတူပန်းချီတွေ ရေးခဲ့တယ်။ ပြခန်းတွေ အကုန်လိုက်သွားတယ်၊ နေရာတိုင်းကို သွားခဲ့တယ်။ နယူးယော့ခ်က ခင်ဗျားကို ဘယ်လို သက်ရောက်မှုပေးခဲ့လဲ။
အိုင်ဝေဝေ့ 🍅၊
ကျွန်တော်က ကွန်မြူနစ်လူ့အဖွဲ့အစည်းက လာတဲ့သူဆိုတော့၊ နယူးယော့ခ်မှာရှိတဲ့ အရာအားလုံးက ကျွန်တော့်အတွက် အံ့သြစရာကောင်းပြီး သက်ရောက်မှုကြီးမားခဲ့တယ်။ ကျွန်တော် အမေရိကမှာ ၁၂ နှစ်နေခဲ့တယ်၊ ဒီမှာပဲ ကျွန်တော့်ရဲ့ အကျင့်ဆိုးတွေ အကုန်သင်ယူခဲ့တာ။ ဒီနိုင်ငံက ကျွန်တော့်ကို သားကောင်လိုဖြစ်အောင် လုပ်ခဲ့တယ်လို့ပဲ ပြောရမယ်။
အီဗန် ✍️၊
သားကောင်လိုဖြစ်အောင်လုပ်တယ်ပေါ့။
အိုင်ဝေဝေ့ 🍅၊
ဟုတ်တယ်။ ကျွန်တော် ထိန်းသိမ်းခံရတုန်းက၊ စစ်ဆေးမေးမြန်းမှု ၅၀ ကြိမ်လောက် ခံခဲ့ရတယ်။ အဆင့်မြင့်လျှို့ဝှက်ရဲတစ်ယောက်က ကျွန်တော့်ရှေ့မှာ ထိုင်ပြီး “အိုင်ဝေဝေ့၊ မင်း ဟောလိဝုဒ်ရုပ်ရှင်တွေ အများကြီးကြည့်ထားတာပဲ” လို့ ပြောတယ်။ ကျွန်တော်ပြောတဲ့စကားတွေကို သူမယုံနိုင်ဘူး။ ကျွန်တော်ကို ဘယ်လိုလုပ် ဒီလိုစကားတွေပြောနိုင်တာလဲလို့ ထင်နေတာ။
အီဗန် ✍️ ၊
ဘယ်လိုစကားတွေပြောလို့ သူက အဲဒီလိုပြောတာလဲ။
အိုင်ဝေဝေ့ 🍅၊
ကျွန်တော်က လွတ်လပ်စွာပြောဆိုခွင့်၊ တစ်ဦးချင်းရဲ့အခွင့်အရေး၊ လွတ်လပ်မှုတွေအကြောင်း ပြောခဲ့တယ်။ ရဲတွေက ဒီလိုစကားတွေကို ကျွန်တော်လိုလူက ပြောတာကို ရယ်စရာလို့ထင်တယ်။
အီဗန် ✍️၊
ခင်ဗျားတွန်ပကင်းစတုရန်းပန်းခြံမှာ ဆန္ဒပြပွဲတွေကိုလည်း သွားကြည့်ခဲ့တယ်မဟုတ်လား။
အိုင်ဝေဝေ့ 🍅၊
ဟုတ်တယ်။
အီဗန် ✍️
ခင်ဗျားဓာတ်ပုံတချို့ကို နယူးယော့ခ်တိုင်းမ်စ်ကို ရောင်းခဲ့တယ်။ ပုံနှိပ်ဂျာနယ်လစ်တစ်ယောက်ဖြစ်ဖို့ အခွင့်အရေးကို လက်လွှတ်လိုက်သလိုပဲ၊ အဲဒါက ခင်ဗျားအတွက် အကျိုးအမြတ်များတဲ့ အလုပ်ဖြစ်နိုင်မယ်။ အဲဒီအတွေ့အကြုံက ခင်ဗျားရဲ့ ဆန္ဒပြမှုဆိုင်ရာ အမြင်ကို ပုံဖော်ပေးခဲ့သလား။
အိုင်ဝေဝေ့ 🍅၊
ဟုတ်တယ်၊ အဲဒီအချိန်တုန်းက ကျွန်တော်က အတော်လေး ရိုးသားတယ်။ လူတစ်ဦးချင်းစီဟာ သူတို့ရဲ့အခွင့်အရေးကို ကျင့်သုံးပြီး သူတို့ရဲ့အသံကို ထုတ်ဖော်နိုင်တယ်လို့ ယုံကြည်ခဲ့တယ်။
အီဗန် ✍️၊
အဲဒီအချိန်တုန်းက တရုတ်အနုပညာဆိုတာ နယူးယော့ခ်မှာ အတော်လေး ထူးခြားတဲ့အရာလို့ ယူဆခံရတယ်။ ဂျိုအန်ကိုဟင်ဆိုတဲ့ အနုပညာသမိုင်းပညာရှင်က ခင်ဗျားရဲ့အစောပိုင်းလက်ရာတွေကို စုဆောင်းခဲ့တယ်၊ သူက တရုတ်အနုပညာပြပွဲတစ်ခုလုပ်ဖို့ ကြိုးစားခဲ့ပေမယ့် “ကျွန်တော်တို့ တတိယကမ္ဘာအနုပညာကို မပြဘူး” လို့ ပြောခံရတယ်။ သူက ဂူဂန်ဟိုင်းမ်းကို ဆက်သွယ်ခဲ့ပြီး “ပြခန်းတာဝန်ခံက ကျနော့်ကို မတွေ့ချင်ရုံမက၊ သူ့အတွင်းရေးမှူးတောင် ကျွန်နော့်ကို မတွေ့ချင်ဘူး” လို့ ပြောခဲ့တယ်။ အခုတော့ ဂူဂန်ဟိုင်းမ်းမှာ တရုတ်ခေတ်သစ်အနုပညာပြပွဲကြီးတစ်ခု ရှိနေပြီ။
အိုင်ဝေဝေ့🍅၊
ဟုတ်တယ်၊ အဲဒီအတွင်းရေးမှူးက အခုထိ ကျွန်တော့်ကို မတွေ့ချင်သေးဘူးလားလို့ တွေးမိတယ်။
အီဗန် ✍️ ၊
ဂူဂန်ဟိုင်းမ်းပြပွဲမှာ အနုပညာလက်ရာတချို့ကို ဖွင့်ပွဲမတိုင်ခင် ရုပ်သိမ်းလိုက်တယ်ဆိုတဲ့ အကြောင်းနဲ့ပတ်သက်ပြီး ဘာထင်လဲ။ တိရစ္ဆာန်တွေပါဝင်တဲ့ အပိုင်းတချို့ကို ဆန့်ကျင်တဲ့ လှုပ်ရှားမှုတွေ ရှိခဲ့တယ်၊ ပြတိုက်ကိုလည်း ခြိမ်းခြောက်မှုတွေ ရှိခဲ့တယ်။ အဲဒီလက်ရာတွေကို ရုပ်သိမ်းလိုက်တာက မဖြစ်မနေ လုပ်ရမယ့်အရာလား။
အိုင်ဝေဝေ့ 🍅၊
လွတ်လပ်စွာပြောဆိုခွင့်ကို ခွင့်မပြုတဲ့ လူ့အဖွဲ့အစည်းတစ်ခုမှာ၊ မလိုလားအပ်ဘူးလို့ ယူဆတဲ့အရာတွေ၊ သင့်တော်မယ်လို့ မထင်တဲ့အရာတွေကို ပြသခွင့်မပေးဘူးဆိုရင်၊ အဲဒါက ပိုအန္တရာယ်များတယ်။ အနုပညာကို “ယုတ်ညံ့တယ်” ဒါမှမဟုတ် “ပြီးပြည့်စုံတဲ့ လူ့အဖွဲ့အစည်းနဲ့ မကိုက်ညီ” လို့ ယူဆတဲ့သူတွေက ဒုတိယကမ္ဘာစစ်မတိုင်ခင်နှစ်တွေမှာ တွေ့ခဲ့ရသလို ဆိုးရွားတဲ့အရာတွေကို ဖြစ်ပေါ်စေနိုင်တယ်။
အီဗန်✍️ ၊
နိုင်ငံက ခင်ဗျားရဲ့လက်ရာကို ဆင်ဆာလုပ်တာက တစ်မျိုးပေါ့၊ ဒါပေမယ့် လူထုကိုယ်တိုင်က ဆင်ဆာလုပ်ဖို့ စတင်လာရင်က ပြဿနာက တစ်မျိုးဖြစ်လာတယ်။
အိုင်ဝေဝေ့🍎၊
ဒီအငြင်းအခုံက အတော်လေးနက်ရှိုင်းတယ်။ အနုပညာဆိုတာ လူတစ်ယောက်အနေနဲ့ မဖြစ်မနေ အကောင်းအဆိုးကို ဆုံးဖြတ်ဖို့မဟုတ်ဘဲ၊ မေးခွန်းတွေ ထုတ်ဖော်ဖို့၊ ဖြစ်နိုင်ခြေအမျိုးမျိုးကို တင်ပြဖို့ အခွင့်ရှိတဲ့ နယ်ပယ်တစ်ခုပဲ। အဲဒီလက်ရာတွေကို ပြပွဲကနေ ရုပ်သိမ်းလိုက်တာက မဖြစ်သင့်ဘူး။
